Өлең...

Қатыгез қайсыбір сағатта

Қатыгез қайсыбір сағатта

Өмірді келеді тастағың.

Сонда да үмітті жоғалтпа

Қаралы күндерден қашпағын.

Сабыр ет, тоқтау қыл, шеше біл,

Тағдырың улы оғын жолдаса.

Өзің-ақ ойлашы, несі өмір

Қуаныш, қайғысы болмаса.

Қай жерде тіршілік өмір бар,

Сол жерде қуаныш, қайғы да.

Болса да алдың - құз, артың - жар,

Төзе біл, өмір сүр, айныма.

Мұқағали Мақатаев

Үй үшін...

Практикалық мәліметтер

  - Шәугімде жиналатын қақтарды тазарту үшін суға сірке суын қосып 15 минут қайнату керек.

  - Жұмыртқа дағын кетіру үшін суық суға біршама уақыт ұстап, жылы сумен жуу керек.

  - Ірімшікті кесерде пышақты суық суда ұстап, кейін кессе, оңай кесіледі және пышақ оңай тазаланады.

  - Балық қуырарда майға қызылбұрыш себілсе, ерекше дәм береді және түсі әдемі болады.

  - Картопты ашудан бұрын 10 минут ыстық суға салып қойылса, қабығы оңай ашылады.

  - Тоңдырылған азықтарды салауатты түрде еріту үшін мұздатқыштан шығарып, бір күн бұрын тоңазытыштың ең төменгі қабатына қою керек.